Дар музофоти Нангарҳор 2 қумандони «Давлати исломӣ» маҳв гардид

Душанбе, 29.07.2015. (АМИТ «Ховар»). — Дар натиҷаи амалиёти поксозӣ, ки шаби душанбе ба сешанбе дар қисмати шарқии музофоти Нангарҳори Афғонистон гузаронида шуд, 2 қумандони гурӯҳи террористии «Давлати исломӣ» маҳв гардид.
Бино ба иттилои «Хома пресс», амалиёти ҷангӣ дар минтақаи Чапарҳор гузаронида шуд. Бар иловаи 2 қумандони кушташуда бо номи Фарук ва Мирвайс маъруф, яке аз ҳамсафони онҳо ҷароҳат бардошта, 3 ҷангии дигар асир гирифта шудааст. Аз дастгиршудагон 8 дона аслиҳаи гуногун мусодира гардид.