Дар ноҳияи Ашт бангдона ошкор гардид

Душанбе, 10.07.2015. (АМИТ «Ховар», Раъно Нусратуллозода).- Аз ҷониби кормандони Раёсати Агентии назорати маводи нашъаовари назди Президенти ҶТ дар вилояти Суғд дар чорчӯбаи  амалиёти «Кӯкнор 2015» дар заминҳои хоҷагии деҳқонии ба номи «Раҳматбобо»-и ноҳияи Ашт ҳолати сабзиши бангдонаҳои худрӯй ошкор  шуд.
Тибқи иттилои Агентии назорати маводи нашъаовари назди Президенти ҶТ кормандони Раёсат дар ҳузури комиссия бо иштироки масъулони хоҷагӣ 6 ҳазору  600 бех бангдонаи худрӯйро сӯзонида,  нобуд карданд.