Дар Суғд бародар бародарро кушт

Хуҷанд, 21.07.15. (АМИТ «Ховар»). – Дирӯз аз шуъбаи  корҳои  дохилии  шаҳри  Исфара  хабар  дар  бораи  ҳалокати  сокини 34 – солаи  шаҳр  расид. 
Тавре  ки  аз  Раёсати  ВКД дар  вилояти  Суғд хабар  доданд,  дар  ҷараёни  чорабиниҳои  фаврӣ  маълум  шуд, ки  байни  сокини 41 – солаи  шаҳри  Исфара  ва бародари  34 – солаи  ӯ  хархаша  рух  дода,   ба  кордзанӣ табдил  ёфтааст.
Бародари  калонӣ ба  бадани  бародари  хурдӣ  ду  маротиба  корд   зада,  бар асари  ин ҷабрдида  дар ҷойи  воқеа  ба  ҳалокат  расидааст. 
Аз  рӯи  ин  қазия  парвандаи  ҷиноӣ  кушода,  тафтишот  идома дорад.