Дар ВМКБ зиёда аз 2 ҳазор ниҳол банги ҳиндӣ нобуд карда шуд

Душанбе, 03.07.2015. (АМИТ «Ховар», Лайло Тоирӣ).-Дар доираи амалиёти “Кӯкнор-2015” дар наздикии маҳаллаи Ниводаки шаҳри Хоруғ дар заминҳои нокорам 2 311 бех ниҳоли худрӯи банги ҳиндӣ ошкор гардид. Амалиёт аз ҷониби кормандони Раёсати Агентии назорати маводи нашъаовари назди Президенти ҶТ дар ВМКБ доир шуд.
    Ҳамаи растаниҳо дар ҳузури комиссия аз ҳисоби намояндагони мақомоти ҳифзи ҳуқуқ ва мутахассисони соҳаи кишоварзии вилоят бо роҳи сӯзонидан нобуд карда шуданд.