Даъвати А. Абдуллозода ба ватанпарастию худшиносӣ

Душанбе 03.07.2015 (АМИТ «Ховар», Фарзонаи Давлат).- Имрӯз раиси Кумитаи ҷавонон, варзиш ва сайёҳӣ Аҳтам Абдуллозода бо як гурӯҳ ҷавонони фаъоли Вилояти Мухтори Кӯҳистони Бадахшон, ки дирӯз аз шаҳри Хуҷанди вилояти Суғд баргаштанд, вохӯрӣ намуд.
Сафари гурӯҳи ҷавонону донишҷӯёни ВМКБ ба вилояти Суғд, ки бо ташаббуси роҳбарияти Вазорати корҳои дохилӣ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон роҳандозӣ гардида буд, се рӯз дар меҳмонии сокинони шаҳри Хуҷанд қарор доштанд.
Зимни мулоқот Аҳтам Абдуллозода аз дастовардҳои замони Истиқлолият ёдовар шуда, ҷавононро ба ватандӯстӣ, доштани зиракии сиёсӣ ва муқаддас доштани ҳар як вачаб хоки Тоҷикистони соҳибистиқлол даъват намуд.