ДИИШ 111 кӯдакро рабуд

Душанбе, 06.07.2015. (АМИТ «Ховар», Тоҷиддин Аҳмадзода)-Масъули ВАО-и Ҳизби демократии Курдистон Саъид Мамузинӣ рӯзи якшанбе эълом кард, ки ДИИШ 111 кӯдакро аз шаҳри Мувсал рабуда, онҳоро ба марказҳои омӯзишии низомӣ ва идеологӣ бурдаанд.Ба гуфтаи ӯ ДИИШ аз ибтидои соли гузашта то кунун 1420 кӯдакро дуздида, онҳоро барои амалиёти террористӣ ва мухобиротӣ истифода мекунанд. Тифлоне, ки аз ҷониби гурӯҳи террористии ДИИШ рабуда мешаванд ҳамагӣ аз 10 то 15 сол доранд. То ҳол 78 нафар аз падарони ин кӯдакони дуздидашуда бинобар сабаби эътироз баён карданашон барои рабуда шудани фарзандонашон аз ҷониби ин гурӯҳи ифротӣ боздошт шудаанд.