Гузариш ба пахши рақамӣ ва ҳифзи фазои иттилоотӣ

Хуҷанд. 23.07.2015. (АМИТ «Ховар»).- 22 июл дар Кохи матбуоти шаҳри Хуҷанд семинари «Гузариш ба пахши рақамӣ ва ҳифзи фазои иттилоотӣ» доир шуд.  
Тавре ки аз хадамоти матбуоти раиси вилояти Суғд иттилоъ доданд, семинар бо мақсади ба мардум фаҳмонидани зарурати гузариш ба пахши рақамӣ аз ҷониби Ассотсиатсияи истеҳсолкунандагон ва паҳнкунандагони маводи радиотелевизионии Тоҷикистон дар якҷоягӣ бо Кумитаи телевизион ва радиои назди Ҳукумати Ҷумҳурии Тоҷикистон гузаронида мешавад.  Дар он мутасаддиёни бахши идеологии мақомоти иҷроияи ҳокимияти давлатӣ дар шаҳру навоҳии наздисарҳадии вилояти Суғд, бо шумули муовинони соҳавӣ, роҳбарони ВАО-и чопиву электронии вилоят иштирок намуданд.