«Харангон»- мавзеи дӯсдоштанист

Варзоб,15.07.2015. (АМИТ «Ховар», Ҳотами Шариф).- Аз ташкили осоишгоҳи «Харангон» дар дараи зебоманзараи Варзоб 10 сол сипарӣ гардид. Осоишгоҳи мазкур дорои тамоми шароити мусоиди истироҳату табобат буда, асосан барои иштирокчиёни Ҷанги дуюми ҷаҳон ва шахсони имтиёздор бино ёфтааст. 
Тибқи иттилои сарвари осоишгоҳ  Чеҳрагул Қосимова ҳамасола дар ин мавзеъ зиёда аз 500 нафар сиҳатии худро барқарор менамояд.
Ин мавзеи диписанд ва воқеан зебою дӯстдоштанӣ ҷоест, ки барои сиҳатии равонию ҷисмонии инсон мувофиқ ба табъи дил аст. Ҳам шилдирроси оби дарёча, ҳам табиати дилфиреб, ҳам муомилаи бисёр хуши кормандони осоишгоҳи «Харангон» барои зудтар шифо ёфтани ҳар истироҳаткунанда шароити мусоид фароҳам меорад.