Хисорот дар натиҷаи сӯхтор

Душанбе, 29.07.2015 (АМИТ «Ховар», Лайло Тоирӣ).-27 июл аз  хокистари оташ дар коҳдони сокини шаҳри Истаравшан дар масоҳати 40 метри мураббаъ сӯхтор ба амал омадааст. Дар натиҷаи сӯхтор болопӯши коҳдон ва хӯроки дурушти чорво сӯхта нобуд шудааст. Зарари расида 3250 сомониро ташкил медиҳад. 
Ҳамчунин дар ин рӯз дар ҳавлии истиқоматии сокини шаҳри Исфара сӯхтор масоҳати 40 метри мураббаъро фаро гирифтааст. Дар натиҷа болопӯши хона ва молу ашёҳои рӯзгор сӯхта нобуд шудаанд. Зарари расида 7000 сомониро ташкил медиҳад.
28 июл хонаи истиқоматии сокини 56-солаи шаҳри Душанбе дар масоҳати 10 метри мураббаъ оташ гирифта, дар натиҷа пешайвони хонааш сӯхта нобуд шудааст, ки зарари он 3000 сомониро ташкил медиҳад.