И. Шоев: «Талабот зиёд асту техника кам»

Душанбе, 22.07.2015 (АМИТ «Ховар», Маҳинаи Собир).-  Директори  КВДҶ «Тоҷикагролизинг» Исуф Шоев дар нишасти матбуотии фаъолияти шашмоҳаи корхона зикр намуд, ки дар  Тоҷикистон талабот ба техника ва таҷҳизоти кишоварзӣ  тибқи таҳлилҳо хеле зиёд аст. Дар шароити рӯз 731,3 млн. доллари амрикоӣ ё 4,6 млрд сомонӣ зарур аст, ки талаботи хоҷагиҳои деҳқонӣ ба техника ва таҷҳизоти замонавӣ пурра қонеъ гардад.
Барои рушди соҳаи картошкапарварӣ ва ғаллакорӣ тибқи маъёри талабот ба техника ва таҷҳизот 565 картошкашинонак, 700  картошкаканак, 1906 комбайни ғалладарав лозим аст. Мутаассифона, дар саросари ҷумҳурӣ 565 комбайн мавҷуд аст, ки 30 фоизи таъминотро ташкил медиҳад.