Иштироки намояндагони ДДТТ дар мубодилаи академикӣ

Душанбе, 6.07.2015. (АМИТ «Ховар», Раъно Нусратуллозода).- 17 нафар аз Ҷумҳурии Тоҷикистон, ки 6 нафари он муҳассили ДДТТ мебошад, дар  Барномаи Эразмус Мундус  оид ба мубодилаи академикӣ байни донишгоҳҳои Осиёи Миёна ва Иттиҳоди Аврупо иштирок кард.  Ин матлабро имрӯз ректори Донишгоҳи  давлатии тиббии Тоҷикистон (ДДТТ) ба номи Абӯалӣ ибни Сино Убайдулло Қурбонов иброз дошт. 
Дар айни замон аз тарафи раёсати донишгоҳ бо 87 муассисаи илмию таълимӣ ва ташкилотҳои хориҷӣ шартномаи ҳамкорӣ ба имзо расид, ки 5 адади он ба давраи ҳисоботӣ рост меояд. Дар ин росто сафарҳои хизматии кормандону донишҷӯён барои иштирок дар конфронсу симпозиумҳо ва такмили ихтисос афзуда, 67 нафар ба хориҷи кишвар сафар намуд.