Истихроҷи газ 76% афзуд

Душанбе, 24.07.2015. (АМИТ «Ховар», Ситораи Боймурод).- Тибқи иттилои Вазорати энергетика ва захираҳои оби ҷумҳурӣ, дар нимсолаи якуми соли равон аз ҷониби корхонаҳо ва ҷамъиятҳои соҳаи нафту газ 12 ҳазору 193 тонна нафт ва 2,23 млн. метри мукааб гази табиӣ истихроҷ  шуд, ки ин назар ба ҳамин давраи соли гузашта мутаносибан 3,5 фоиз ва 76 фоиз зиёд мебошад.
Ба иттилои манбаъ, дар шашмоҳаи соли 2015 корхонаю муассисаҳои соҳаи нафту газ дар чоҳҳо бо мақсади зиёд кардани истихроҷи нафту газ 131 маротиба таъмири ҷорӣ ва дар 8 чоҳ таъмири асосӣ гузарониданд.