Истироҳати кӯдакони Хона-интернати Ҳисор дар Хуҷанд

Хуҷанд. 25.07.2015. (АМИТ «Ховар»).-Тавре ки аз хадамоти матбуоти раиси вилояти Суғд иттилоъ доданд, чанд рӯз аст, ки 42 кӯдаки имконияташон маҳдуди Хона-интернати ҷумҳуриявии низомаш махсуси ноҳияи Ҳисор дар Маркази ҷумҳуриявии солимгардонии физиотерапевтии Хуҷанд ба истироҳату муолиҷа фаро гирифта шудаанд.
Барои ин кӯдакон ва наврасон дар тарабхонаи «Камоли орзу» дастурхони хайриявӣ ташкил шуда, ба тамоми наврасон либосу пойафзол такдим карда шуд.
Кӯдакону наврасони Хона-интернати ҷумҳуриявии низомаш махсуси Ҳисор инчунин дар боғи Наврӯзгоҳи Хуҷанд ба таври ройгон истироҳату фароғат намуданд.