Кофтукови ҷасади ду шаҳрванди ғарқшуда идома дорад
Душанбе, 02.07.2015. (АМИТ «Ховар», Лайло Тоирӣ).- 1 июл ду шаҳрванди Тоҷикистон ҳангоми оббозӣ ғарқ шуда, ҷасадашон то ҳол дарёфт нашудааст. Ба иттилои сардори маркази матбуоти Кумитаи ҳолатҳои фавқулода ва мудофиаи гражданӣ Ориф Нозимов Мирзокаримов Аббос Абдуллоевич, соли таваллудаш 1999, истиқоматкунандаи ҷамоати деҳоти Зайнабобод, деҳаи Адолат соати 16:45 ҳангоми оббозӣ дар дарёи Кофарниҳон, мавзеи Истиқлоли ҷамоати шаҳраки М.Турсунзода аз сабаби риоя накардани қоидаҳои шиноварӣ ғарқ шудааст.
Кофтукоби ҷасади Аббос Мирзокаримов аз тарафи Дастаи зудамали наҷотдиҳии Маркази наҷотдиҳии кумита соати 06:00 рўзи 02 июл оғоз гардида, то ҳол идома дорад.
Ҳамчунин рўзи 1 июл соати 14:00 дақиқа шаҳрванд Шарофов Талабшо Шоҳмаҳмадович, соли таваллудаш 1993, сокини ноҳияи Хуросон, ҷамоати деҳоти Обикиик, кўчаи Низомӣ №6 ҳангоми оббозӣ дар дарёи Вахш, мавзеи Зағерти ҷамоати деҳоти Ваҳдат аз сабаби риоя накардани қоидаҳои шиноварӣ ғарқ шудааст.
Кофтукоби ҷасади вай аз тарафи сардори Ситод оид ба ҳолатҳои фавқулода ва мудофиаи граждании ноҳияи Хуросон зери назорат гирифта шудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
