Кохи фарҳанги Исфара таъмир мешавад

Хучанд, 14.07.2015. (АМИТ «Ховар»).-Дар вилояти Суғд бо пешниҳоди раиси вилоят Абдураҳмон Қодирӣ соли 2015 — Соли рушди фарҳанг ва гулҳо эълон гардидааст ва дар ин росто дар шаҳру ноҳияҳои вилоят корҳои ободонӣ ҷараён доранд.
Тавре ки аз хадамоти матбуоти раиси вилоят хабар доданд, дар шаҳри Исфара тибқи нақшаи мушаххаси чорабиниҳо ҳоло барои таъмиру навсозии Кохи фарҳанги маркази шаҳр, инчунин ободонию таҷҳизи 45 муассисаи фарҳангии мавҷуда ва фароҳамсозии шароити созгор баҳри фаъолияти самарабахши кормандони соҳа тадбирҳои зарурӣ андешида мешаванд.
Аз ҷумла, барои таъмири куллии бинои Кохи фарҳанги маркази шаҳр аз ҳисоби буҷети маҳаллӣ 150 ҳазор сомонӣ маблағ ҷудо  шудааст.
Дар доираи чорабиниҳои Соли гулҳо иҷрои нақшаи гулзорнамоии кӯчаву хиёбонҳо, ҷойҳои ҷамъиятӣ ва мавзеъҳои фарҳангиву истироҳатӣ 2,5 маротиба зиёд таъмин гардида, ба ҷойи 50 ҳазор метри мукааби ба нақша гирифташуда дар масоҳати зиёда аз 120 ҳазор метри мукааб гулзор бунёд карда шуд.