Конфронси байналмилалӣ бахшида ба 150-солагии Туғрали Аҳрорӣ

Хуҷанд, 18.07.2015. (АМИТ «Ховар»).-Бо ибтикори Академияи илмҳои ҶТ бахшида ба 150-солагии Нақибхон Туғрали Аҳрорӣ 15 октябри соли 2015 дар шаҳри Душанбе Конфронси илмии байналмилалӣ дар мавзўи «Ҷойгоҳи Туғрали Аҳрорӣ дар адабиёти тоҷик» баргузор мегардад.
Тавре ки аз хадамоти матбуотии раиси вилояти Суғд иттилоъ доданд, ба конфронс донишмандон ва ходимони марказҳои илмию тадқиқотӣ аз Ҷумҳурии исломии Эрон, Ҷумҳурии исломии Афғонистон ва кишварҳои дигар, устодони донишгоҳу донишкадаҳои ҷумҳурӣ ва ҳамаи алоқамандон даъват мешаванд.
Аз донишмандон, муҳаққиқон ва алоқамандон хоҳиш мешавад, ки дар ин замина гузориш ва мақолаҳоро ба нишонии сомонаи tugrali@bk.ru ва odinaievn @mail.ru фиристанд.