Коромӯзии олимони хориҷӣ дар АИТ

Душанбе, 9.07.2015 (АМИТ «Ховар», Фарзонаи Давлат).- Дар нимсолаи аввали соли равон  беш аз 60  корманди АИТ барои такмили ихтисос ба кишварҳои хориҷӣ сафарбар гардид. Ин нуқтаро президенти Академияи илмҳо Фарҳод Раҳимӣ имрӯз, 9-уми июл зимни нишасти матбуотии академия иброз дошт.
Ба гуфтаи мавсуф, кормандон ҷиҳати коромўзӣ, иштирок дар конфронсияҳои илмӣ, симпозиумҳо, семинарҳо, форумҳо, хондани лексияҳо ва ҳамчунин гузаронидани тадқиқотҳои муштараки илмӣ ба сафарҳои хизматӣ ба давлатҳои хориҷӣ фиристонида шуданд. 
Ҳамчунин бо даъвати Академияи илмҳои Тоҷикистон беш аз 30 намояндаи давлатҳои хориҷӣ, аз ҷумла Чин, Россия, Олмон дар муассисаҳои АИТ коромўзӣ намуда, корҳои муштараки илмӣ анҷом додаанд, гуфт Фарҳод Раҳимӣ.