Корвони ёрии башардӯстона аз Хатлон ба ВМКБ рафт

Қӯрғонтеппа, 21.07.15. (АМИТ «Ховар», Мурод  Сотиев). – Шоми 20  июл  аввалин  корвони ёрии  башардӯстона  аз  вилояти  Хатлон  ба  ноҳияи  Шуғнони  Вилояти  Мухтори  Кӯҳистони  Бадахшон  рафт.
Тавре  ки  маъмурияти  вилоят  хабар  медиҳад, ёрии  башардӯстона  иборат  аз  кампалҳои  пашмин, орд,  пиёз,  маводи дигари  ғизоӣ ва  молҳои  мавриди  зарурат аз  ҳисоби  ташкилотҳои  вилоят  ва шаҳри  Қӯрғонтеппа ба  маблағи  300  ҳазор  сомонӣ ҷамъ  оварда шудааст. Ба  ин  иқдоми  хайрхоҳона  намояндагони аҳли  дин  ҳам  саҳм  гузоштаанд. Ҳамзамон аз  Ёвон  ба  Шуғнон  25  тонна  семент  фиристода  мешавад. 
Сокинони   шаҳри  Кӯлоб  ҳам ба мардуми  Бадахшон  дасти  ёрӣ дароз  мекунанд.