Машварат идроку ҳушёрӣ диҳад

Душанбе, 16.07.2015. (АМИТ «Ховар», Ҳотами Шариф).- Дар  давраи  ҳисоботӣ  7 маҷлиси  Шўрои   илмӣ  — техникӣ гузаронида шуда, дар он масъалаҳои муҳим мавриди муҳокима қарор гирифтанд. Дар ин бора 15 июл зимни нишасти матбуотӣ  муовини якуми Кумитаи меъморӣ ва сохтмони назди  Ҳукумати Ҷумҳурии Тоҷикистон Саидзода Нуралӣ Ғиёс иттилоъ дод.
 Дар самти коркарди санадҳои меъёрии байниидоравӣ 2 маротиба Комиссияи байниидоравии нархгузорӣ гузаронида шуд, ки дар он масъалаҳои арзиши соати кории коргарон ва ронандагон баррасӣ гардиданд. 
“Бо мақсади нашр намудан зиёда аз 71 санади меъёрии соҳаи нархгузории сохтмони Ҷумҳурии Тоҷикистон барои бақайдгирии давлатӣ ба Вазорати адлия пешниҳод шуд”,-илова намуд Саидзода Нуралӣ Ғиёс.