Маводи нашъадор дар борхалта

Душанбе, 10.07.2015. (АМИТ «Ховар», Раъно Нусратуллозода).-Дар натиҷаи гузаронидани чорабиниҳои фаврӣ-ҷустуҷӯӣ 9 июл дар ҳудуди шаҳри Душанбе кормандони милитсия мошини тамғаи “Опел-Астра”-ро, ки ба  сокини 26-солаи шаҳри Душанбе тааллуқ дошт, боздошт намуданд. 
Тибқи иттилои Вазорати корҳои дохилии ҶТ дар вақти кофтукови шахсӣ аз борхалтаи мусофири мошини мазкур- сокини 29-солаи шаҳри Душанбе 890 грамм маводи нашъадори навъи ҳашиш дарёфт ва мусодира гардид. 
Нисбат ба далели мазкур парвандаи ҷиноятӣ оғоз шуда, тафтиш дар ин самт идома дорад.