«Миллият»: Шаҳрвандони Тоҷикистон дар наздикии марзи Сурия боздошт шуданд
Душанбе, 13.07.2015. (АМИТ «Ховар»).- Тибқи иттилои нашрияи «Миллият»-и Туркия, мақомоти амниятии Туркия 25 шаҳрванди хориҷиро, ки бештарашон табааи Тоҷикистон буданд, дастгир намуданд. Дастгиршудагон азми ба Сурия рафтанро доштанд.
Нашрияи «Миллият» хабар медиҳад, ки ин нафарон шоми 12 июл дар вокзали байнишаҳрии автобусҳои Ғозиёнтап дар наздикии сарҳади Туркия дастгир шудаанд. Бархе аз онҳо бо зану фарзандонашон буданд. Бино ба иттилои нашрия баъзе аз дастгиршудагон дар баёноташон навиштаанд, ки мехостанд барои муҳоҷират ба Сурия раванд.
Рӯзномаи «Миллият»-и Туркия хабар медиҳад, ки дар зарфи 3 рӯзи охир дар шаҳри Ғозиёнтап дар амалиёте 45 табааи хориҷӣ дастгир шуд, ки нияти рафтан ба Сурияро доштанд. Мақомоти амниятии Туркия назорати гашту гузори хориҷиёнро дар ин минтақа сахттар кардааст. Ҳамаи боздоштшудагон дар шифохонаи давлатии Эрсин Арслони Ғозиёнтап аз ташхиси тиббӣ гузашта, ба боздоштгоҳи раёсати зиддитеррори пулис бурда шудаанд. Қарор аст ҳамаи онҳоро ба кишварҳояшон «депортатсия»кунанд.
Ду рӯз аз ин пештар расонаҳои давлатии Туркия гузориш доданд, ки дар амалиёте дар шаҳри Кочалӣ дар наздикии сарҳади Сурия 21 узви гурӯҳи «Давлати исломӣ»-ро дастгир карданд ва се нафари онҳо хориҷиёне буданд, ки мехостанд ба Сурия бираванд.
Мақомоти ҳифзи ҳуқуқи Тоҷикистон дурустии ин хабарро таҳқиқ мекунанд.
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
