Мусодираи беш аз 270 килограмм маводи нашъаовар
Душанбе, 09.07.15. (АМИТ «Ховар»). – Гурӯҳи амалиёти фаврии Раёсати Кумитаи давлатии амнияти миллии ҶТ дар вилояти Хатлон якҷоя бо дастаи сарҳадбонон дар қитъаи масъулияти яке аз посбонгоҳҳои дастаи сарҳадии «Ҳамадонӣ», воқеъ дар хатти тоҷикистонию афғонистонии сарҳади давлатӣ кӯшиши убури ғайриқонунии хатти сарҳади давлатӣ ва қочоқи маводи мухаддирро ҷилавгирӣ намуд.
Тавре ки маркази матбуоти Сарраёсати Қӯшунҳои сарҳадии Кумитаи давлатии амнияти миллии ҶТ хабар медиҳад, гурӯҳи номаълуми мусаллаҳи қочоқгарон иборат аз 10 – 13 нафар ҳангоми убури ғайриқонунии хатти сарҳади давлатӣ бо дастаи сарҳадбонон бархӯрд. Дар натиҷаи ин байни қочоқчиёни маводи мухаддир ва сарҳадбонон оташфишонии тӯлонӣ сар зад. Ҷинояткорон бо истифода аз ҳавои торик дар марзи ҳамҳудуд пинҳон шуданд.
Дар натиҷаи тафтиши маҳалли воқеа беш аз 270 килограмм ҳашиш ва ду ҷасади қочоқчиёни афғон пайдо гардид.
Алҳол мақомоти махсуси Кумитаи давлатии амнияти миллии ҶТ тафтишот мегузаронад.
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
