Намоишномаи “Ойоро” дар театри А. Лоҳутӣ

Душанбе, 4.07.2015. (АМИТ «Ховар», Ситораи Боймурод).- Имрӯз, 4-уми июл дар Театри академӣ-драмавии ба номи Абулқосим Лоҳутӣ мазҳакаи Нина Фамилиант “Ойоро” намоиш дода мешавад.
 Тавре ки дар ин бора сомонаи расмии Вазорати фарҳанги кишвар иттилоъ  додааст, намоишномаро адиби тоҷик Ҷумъа Қуддус аз русӣ ба тоҷикӣ баргардон кардааст. Басаҳнагузорандагони намоишнома  Хушдили Хушнуд ва Насриддин Асадуллоев мебошанд.
Мавриди зикр аст, ки бо ин намоишнома мавсими театрӣ ба охир мерасад.