Насли солим — миллати солим

Хуҷанд, 31.07.2015. (АМИТ «Ховар»).-Дар доираи чорабиниҳо ба муносибати Соли оила бо ташаббуси Кумитаи иҷроияи ибтидоии минтақаи Овчиқалъача таҳти унвони “Миллати солим  аз насли солим ва оилаи солим ташаккул меёбад” маҳфил баргузор гардид.  Дар маҳфил дар мавриди пешгирии вайроншавии оилаҳо, никоҳи хешу таборӣ, татбиқи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” сухан гуфтанд. 
Иштирокдорони маҳфил аз ҳамсароне, ки бо ҳам 35, 40 ва 50  сол якҷоя зистаанд,  даъват карданд, ки дар маҳалҳо бо ҷавонон мулоқоту суҳбатҳо доир намоянд, то ҷавонон аз таҷрибаи бои зиндагиашон огаҳӣ пайдо намоянд ва дар ҳаёти ҳаррӯзаашон аз панду насиҳатҳои онҳо истифода кунанд.