“Ҳоҷӣ Қурбон” ба маблағи 300 ҳазор сомонӣ маҳсулоти пенополистролӣ содир намуд

Душанбе, 09.07.2015. (АМИТ «Ховар», Лайло Тоирӣ).- Моҳи июни соли ҷорӣ ҶДММ “Ҳоҷӣ Қурбон”-и шаҳри Турсунзода ба ҷумҳуриҳои Қирғизистон, Афғонистон ва Эрон 500 метри мукааб маҳсулоти пенополистролӣ ба маблағи умумии 300 ҳазор сомонӣ содир намуд.
Тавре ки котиби матбуотии Вазорати саноат ва технологияҳои нави ҶТ Саломат Ғуломова иттилоъ дод,  дар нимсолаи якуми  соли 2015 дар ҶДММ “Ҳоҷӣ Қурбон”-и шаҳри Турсунзода истеҳсоли маҳсулоти пенополистролӣ барои сақф ва девори биноҳо бо иқтидори 5,0 ҳазор метри мукааб ба роҳ монда шуд. Шумораи коргарон 16 нафарро ташкил дода, музди миёнаи меҳнат 1000 сомонӣ мебошад.