Озмоишгоҳи нави «Геологияи муҳандисӣ ва гидрогеология» дар ДДМ

Душанбе,  29.07.2015 (АМИТ «Ховар», Рафоати Абдулҳамид).- Дирӯз дар Филиали ДДМ ба номи М.В Ломоносов дар шаҳри Душанбе бо иштироки хабарнигорон  нишасти матбуотӣ баргузор гардид. Зимни нишасти хабарӣ директори ДДМ Александр Реймерс   зикр намуд, ки дар шаш моҳи соли 2015 аз рӯи нақша маблағҳои буҷавӣ дар Филиали Донишгоҳи давлатии Маскав ба миқдори 5 млн. 206 ҳазору 500 сомонӣ тасдиқ гардид, ки он ба маблағи 4 млн. 268 ҳазору 489,42 сомонӣ иҷро шуд. Иҷрои маблағҳои буҷавии тасдиқгардида 81,98 фоизро ташкил дод.
Дар муддати ҳисоботӣ мувофиқи стандартҳо майдончаи варзишӣ сохта шуд, ки барои истифода омода аст. Инчунин озмоишгоҳи нави «Геологияи муҳандисӣ ва гидрогеология» ва синфхонаи компютерии бо лавозимоти замонавӣ муҷаҳҳаз иборат аз 18 ҷойи нишаст мавриди истифода қарор дода шуд.