“Панҷшер” дар садри ҷадвали лигаи якуми Тоҷикистон

Душанбе, 01.07.2015, (АМИТ- «Ховар»  Меҳрони  Қурбон).-Бозиҳои даври ҳафтуми сабқати Лигаи якуми Тоҷикистон байни  дастаи  “Панҷшер”-и ноҳияи Ҷалолиддини Румӣ  бар дастаи  МТО-и Хуҷанд бо ҳисоби бузурги 4 бар 1 ба  анҷом  расид. Баъди ин ғалаба дастаи ноҳияи Ҷалолиддини Румӣ  бо 15 имтиёз ба зинаи аввали ҷадвали мусобиқа баромад.  Бояд  зикр  кард, ки даври 7-уми Лигаи якуми Тоҷикистон байни дастаҳои  «Зарафшон» «Локомотив» — 1:1, «Панҷшер» — МТО — 4:1, «Кӯктош» — «Эсхата» — 3:3, «Чашма» — «Ҳосилот» — 3:0, «Ҳулбук» — «Канд» — 2:1 ба  охир  расид. Ёдовар  мешавем, ки бозии байни  дастаи «Помир» — «Саройкамар» ба 2 сентябр гузаронида шуд.