Рамазон -моҳи хайру сахост

Ёвон, 14.07.2015. (АМИТ «Ховар», Субҳониддини Маҳмуд).-Бо супориши раиси ноҳияи Ёвон  Амирбеки Темур  дар арафаи  иди саиди фитр   тамоми ташкилоту муассисаҳои  ноҳия, новобаста аз  шакли моликияташон  ба ниёзмандону маъюбон, оилаҳои бесарпаноҳ,  ятимону беморони бистарӣ  кумаки яквақта, аз қабили маводи хӯрокӣ  расонида истодаанд. Ҳамчунин ба иттилои мудири шуъбаи иҷтимоиёт ва рушди ҷомеаи ноҳия Эмомалӣ Алимардонов ба  13 нафар иштирокдори ҶБВ  аз ҳисоби соҳибкорон ва шахсони саховатпеша  ба маблағи зиёда аз 400 сомонӣ  ёрдампулӣ дода мешавад.