Роғун: “Мо кӯдакони хушбахтем”

Роғун, 11.07.2015. (АМИТ «Ховар», Субҳониддини Маҳмуд).-  Дастпарварони Маркази эҷодии кӯдакон ва наврасони шаҳраки Роғун соли ҷорӣ дар як силсила озмунҳои шаҳрию ҷумҳуриявӣ иштирок намуда,  сазовори ифтихорномаю туҳфаҳои хотиравӣ гардиданд.  Аз ҷумла, кӯдакон дар озмуни «Чеварони гулдаст», ки  бахшида ба  соли оила гузаронида шуд, иштирок намуданд.
      Ба иттилои  роҳбари Маркази эҷодии кӯдакон ва наврасони шаҳрак Садбарг Ёқубова бахшида ба иди байналмилалии  кӯдакон бо дастгирӣ ва иштироки  ташкилоту муассисаҳои шаҳр озмуни «Мо кӯдакони хушбахтем» бо иштироки 140 нафар кӯдаку наврас доир шуд. Кӯдакон дар озмун суратҳо ва маҳсули дасти худро ба намоиш гузоштанд.