Рушди алоқаҳои тиҷоративу иқтисодии Тоҷикистону Чин

Душанбе, 24.07.2015 (АМИТ «Ховар»).- 24 июли соли 2015 дар Пекин вазири корҳои хориҷии Ҷумҳурии Тоҷикистон Сироҷидин Аслов бо муовини раиси Кумитаи давлатии Ҷумҳурии Мардумии Чин доир ба корҳои ислоҳот ва рушд Ван Сяо Тао мулоқот анҷом дод.
Зимни суҳбат суръати мусбати рушди алоқаҳои тиҷоративу иқтисодии ду давлат зикр гардид. Ҳамзамон роҷеъ ба дурнамои самтҳои ҳамкории Тоҷикистону Чин ва густариши фаъолияти сармоягузории ширкатҳои чинӣ дар Тоҷикистон табодули андеша сурат гирифт.