Рушди илмҳои кишоварзӣ

Душанбе,18.07.2015.(АМИТ «Ховар», Ҳотами Шариф).- Дар шаш мохи соли ҷорӣ раванди минтақабобкунии нӯҳ навъи зироати кишоварзии олимони Академияи илмҳои кишоварзии Тоҷикистон аз ҷумла, ду навъи пахта, чор навъи гандум ва се навъи картошка идома ёфта, инчунин 20 навъи зироатҳои кишоварзӣ ба комиссияи давлатии озмоиши навъҳои зироатҳои кишоварзӣ ва муҳофизати навъҳои Вазорати кишоварзии Ҷумҳурии Тоҷикистон барои санҷиш ва минтақабобкунӣ супорида шуд.
 Дар асоси дастовардҳои илмӣ оид ба офаридани навъҳои зироатҳои серҳосил ва доруҳои байторӣ олимони академия соҳиби 13 патент гардида, 11 арзнома барои гирифтани патент пешниҳод гардид.
 Дар ин бора аз Вазорати кишоварзӣ иттилоъ доданд.