Санҷиши 77 ширкат дар Душанбе ва ноҳияҳои тобеи марказ

Душанбе, 16.07.2015. (АМИТ «Ховар», Лайло Тоирӣ).- Дар шаш моҳи аввали  соли 2015 аз ҷониби кормандони дастгоҳи марказии Хадамоти муҳоҷират оид ба  пешгирии муҳоҷирати ғайриқонунӣ, фаъолияти меҳнатӣ ва будубоши шаҳрвандони хориҷӣ дар шаҳри Душанбе ва ноҳияҳои тобеи марказ дар 77 ширкат амалиёти санҷишӣ гузаронида шуд.
Зимни санҷишҳо дар шаҳри Душанбе ва ноҳияҳои тобеи марказ муайян  шуд, ки дар ин ширкатҳо 2 684 шаҳрванди хориҷӣ ба фаъолияти меҳнатӣ машғул буда, дар давраи гузаронидани санҷишҳо 4635 шаҳрванди Ҷумҳурии Тоҷикистон бо ҷои кор таъмин шуд. Дар натиҷа 692  шаҳрванди хориҷӣ, ки дар Ҷумҳурии Тоҷикистон фаъолияти меҳнатиро амалӣ менамоянд, барои гирифтани иҷозат барои кор ба шуъбаи иҷозатномадиҳӣ фиристода шуданд. Онҳо асосан шаҳрвандони Ҷумҳурии мардумии Чин, Русия, Эрон, Афғонистон, Арабистони Саудӣ, Итолиё ва Қирғизистонанд.