Сарфи 131,9 млн. сомонӣ — барои соҳаи тандурустӣ

Хуҷанд, 15.07.2015. (АМИТ «Ховар»).-Ба иттилои хадамоти матбуоти раиси вилояти Суғд ,дар нимсолаи аввали соли 2015 аз буҷети вилоят барои нигоҳдории соҳаи тандуpустӣ 132,2 млн. сомонӣ маблағ пешбинӣ гардида, амалан 131,9 млн. сомонӣ хароҷот  шуд.
Ҷои зикр аст, ки ҳоло дар вилоят сохтмони 11 бунгоҳи саломатӣ, 5  маркази саломатӣ, 5 шуъбаи табобатӣ, 1 маркази махсус ва кофтани як адад чоҳи амудӣ, инчунин таъмири 3 маркази саломатӣ, як бунгоҳи саломатӣ, 14 шуъбаи табобатии муассисаҳои тандурустӣ, 5 боми иншооти тандурустӣ, 2 адад маркази махсус ва як шабакаи гармидиҳӣ  давом дорад.
Зимнан, ба аҳолии вилоят 4711 табиб ва 14239 корманди миёнаи тиббӣ хизмат мерасонад.