Саркардаҳои ДИИШ баъд аз шикастҳои пай дар пай иваз гардиданд

 Душанбе, 20.07.2015. (АМИТ «Ховар», Тоҷиддин Аҳмадзода)-Ба гузориши пойгоҳи хабарии » Ан-Нашра»-и Лубнон ба нақл аз сарчашмаҳои огоҳ дар Сурия, пас аз шикастҳои пай дар пайи ДИИШ дар амалиёти мусаллаҳона ва пешравиҳои артиш ва бозпасгирии баъзе минтақаҳо дар вилояти Ҳасакаи Сурия, ДИИШ саркардаҳои амалиёти шарқи Сурияро иваз кард. Дар асоси ин гузориш ДИИШ Абумуҳаммад Аднониро ба унвони саркардаи нави худ дар Сурия муаррифӣ кард. Ин гурӯҳ ҳамчунин масъули амалиёти террористӣ дар вилояти Риққаро низ барканор карда, шахси дигареро ба ҷои вай таъйин кардааст. Ин тағйирот аз шикасти ДИИШ дар баъзе минтақаҳои Ироқ ва Сурия шаҳодат медиҳад.