Сарвазири Юнон ба юнониҳо барои «интихоби ҷасуронаашон» сипосгузорӣ кард
Душанбе, 06.07.15. (АМИТ «Ховар»). — Сарвазири Юнон Алексис Сипрас натиҷаи раъйдиҳиро, ки дар он аксарияти сокинони кишвар зидди қабули шартҳои қарздиҳандагон овоз доданд, табрик гуфт. Тибқи ҳисоби варақаҳои овоздиҳӣ, бештар аз 60 фоизи юнониҳо зидди шартҳои қарздиҳандагон овоз доданд.
«Шумо бо назардошти вазъияти душвори имрӯзаамон роҳи интихоби басо ҷасуронаро пеш гирифтед», — суханони Сипрасро иқтибос меорад агентии Reuters.
«Ҳадафи имконияте, ки шумо барои ман фароҳам овардед, аз Аврупо дур шудан не, балки вусъат бахшидани вазъиятамон дар гуфтушунид аз рӯи масъалаи ҷустуҷӯи роҳҳои ҳалли судманди мушкилот аст», — гуфт сарвазир.
Сипрас изҳор дошт, ки ҳукумати Юнон омодааст, худи рӯзи душанбе ба сари мизи гуфтушунид баргардад, ки дар он барқарор намудани низоми бонкӣ афзалият хоҳад дошт. Ба гуфтаи мавсуф, ин дафъа мушкилоти таҷдиди назари қарзи Юнон мавриди муҳокима қарор мегирад.
Сарвазири Юнон гуфт аз президенти кишвар Прокопис Павлопулос хоҳиш менамояд, ки мулоқоти роҳбарони ҳизбҳои сиёсиро ташкил намуда, вазъияти мавҷударо бо онҳо мавриди муҳокима қарор диҳад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
