Ширкатҳои суғдӣ 100 нафар муҳоҷирро ба ФР интиқол доданд
Душанбе, 06.07.2015. (АМИТ «Ховар», Лайло Тоирӣ).-Ширкатҳои суғдӣ 100 нафар муҳоҷирро ба ФР интиқол доданд. Аз ҷумла, ҶДММ “Суғдиён-Помир Тур” 22 сокини ноҳияи Мастчоҳро ба шаҳрҳои Сургут ва Ханти- Мансийск, 8 сокини шаҳри Конибодомро ба шаҳри Самара гуселонид. Тибқи нақша онҳо дар Федератсияи Русия ба муҳлати 7-8 моҳ ба корҳои мавсимӣ машғул мешаванд.
Ҳамзамон ҶДММ “Шоҳроҳи Абрешим” 26 сокини минтақаҳои гуногуни Тоҷикистонро ба вилояти Тюмен гусел намуд. Муҳлати будубоши онҳо 1 сол пешбинӣ шудааст. Дар ин радиф аз ҷониби ҶДММ “Сомонэкспрестранс” 71 сокини ноҳияҳои Ашт ва Б. Ғафуров ба шаҳрҳои Тюмен ва Нефтюганск сафарбар гардид.
Ҳангоми гусели шаҳрвандон намояндагони Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар байни сафарбаршудагон корҳои фаҳмондадиҳӣ бурда, китобчаҳо ва маводи ташвиқотию тарғиботӣ тақсим намуданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
