«Суғд — 2015»: ярмаркаи минтақавии савдо

Душанбе, 23.07.2015. (АМИТ «Ховар», Ситораи Боймурод).- Ҷараён ва баргузории Ярмаркаи минтақавии савдо «Суғд — 2015» ва Форуми чоруми минтақавии тиҷоратию сармоягузориро дар мавзӯи «Неруи содиротӣ ва рушди савдои байналмилалӣ» беш аз 50 журналисти хориҷию дохилӣ инъикос менамояд.
Тавре ки дар ин бора Хадамоти матбуоти раиси вилояти Суғд хабар додааст, барои инъикоси васеи чорабинии мазкур дар минтақа аз шаҳрҳои гуногуни Федератсияи Русия ва Ҷумҳурии Қазоқистон беш аз 10 журналист ба вилояти Суғд меояд.