Суғд: Сайди 36,6 тонна моҳӣ дар шаш моҳ

Душанбе, 8.07.2015. (АМИТ «Ховар», Ситораи Боймурод).- Тибқи иттилои Хадамоти матбуоти раиси вилояти Суғд ҳаҷми маҳсулоти моҳипарварӣ дар моҳҳои январ-июни  соли 2015  693,8 ҳазор сомониро ташкил дод. 
Гуфта мешавад, ки дар ин давра дар хоҷагиҳои моҳипарварии вилоят сайди моҳӣ 36,6  тоннаро ташкил намуд.
Дар ҳаҷми умумии истеҳсоли моҳӣ намуди моҳии пешонағафси сафед — 13,5 фоиз, зағорамоҳӣ — 10,7 фоиз, амури сафед — 4,6 фоиз, суфмоҳӣ (судак) — 13,3 фоиз буда, ва 57,8 фоизро дигар моҳиҳо — ҷумҷумамоҳӣ, аспакмоҳӣ ва шамшермоҳӣ ташкил медиҳанд.