Суръати афзоиш дар соҳаи растанипарварӣ ва чорводорӣ назаррас аст

Душанбе, 16.07.2015. (АМИТ «Ховар», Ситораи Боймурод).- Имрўз дар Вазорати кишоварзӣ оид ба натиҷаи ҷамъбасти фаъолияти Вазорати кишоварзии Ҷумҳурии Тоҷикистон дар нимсолаи аввали соли 2015 ва вазифаҳои минбаъда таҳти роҳбарии вазири кишоварзии Ҷумҳурии Тоҷикистон Маҳмадтоҳир Зокиров нишасти матбуотӣ баргузор гардид.
Зикр шуд, ки дар шашмоҳаи аввали соли 2015 дар тамоми шаклҳои хоҷагидорӣ ҳаҷми умумии маҳсулоти кишоварзӣ  ба 4967,5 млн. сомонӣ расонида шудааст, ки нисбат ба ҳамин давраи соли гузашта бо нархҳои муқоисавӣ 6,9 фоиз зиёд мебошад. 
Суръати афзоиш дар соҳаи растанипарварӣ ва чорводорӣ мутаносибан 9,5 ва 3,8 фоизро ташкил намудааст.