Тақдими 46 китоби Брайлӣ барои нобиноёни Китобхонаи миллӣ

Душанбе,  20.07.2015 (АМИТ «Ховар», Рафоати Абдулҳамид).-Чорабинии  муштараки Китобхонаи миллӣ  ва намояндагии  “Россотрудничество”- и Русия дар Тоҷикистон бо тақдими 46 китоби ҷадиди чопи Брайлӣ  барои хонандагони нобинои Китобхона ба анҷом расид. 
Тавре ки сомонаи расмии Китобхонаи миллии Тоҷикистон хабар додааст, чорабинӣ чанде қабл  дар ошёнаи аввали Китобхонаи миллӣ, ки толори хизматрасонӣ ба афроди имкониятҳояшон маҳдуд дар он ҷойгир аст, бо ширкати меҳмонон, хонандагон, кормандон ва масъулони китобхона доир гардид. 
Владислав Курнушко бо намояндагӣ аз “Россотрудничество” 46 китоби чопи Брайлиро барои нобиноён ба китобхона тақдим намуд.