Таҳсили беш аз 100 хонанда дар муассисаҳои фарҳангии хориҷи кишвар

Душанбе, 20.07.2015. (АМИТ «Ховар», Ситораи Боймурод).- Дар нимсолаи аввали соли равон муассисаҳои таълимии зертобеи Вазорати фарҳангро 444 хонанда ва донишҷӯй хатм намуд. Ҳоло дар хориҷи кишвар 112 нафар аз рӯи 27 тахассуси соҳавӣ таҳсил дорад. 
Соли 2015 тибқи квотаи ҷудонамудаи Вазорати маориф ва илми Федератсия Русия 26 нафар барои таҳсил ба муассисаҳои олии таҳсилоти касбии соҳаи фарҳанг ва санъати Русия фиристода шуд,-гуфт вазири фарҳанг Орумбекзода Шамсиддин имрӯз зимни нишасти матбуотӣ ба хабарнигорон.