Таъмири 164,4 км роҳ бо харҷи 6,5 миллион сомонӣ

Хуҷанд, 20.07.2015. (АМИТ “Ховар”).-Дар ноҳияи Бобоҷон Ғафуров дар доираи Барномаи вилоятии “Соли 2015 — идомаи соли роҳҳои обод” зиёда аз 164,4 км роҳи ноҳия таъмир шудааст.
Тавре ки аз мақомоти маҳаллӣ дар ноҳияи Бобоҷон Ғафуров иттилоъ доданд, 7,1 км роҳҳо пурра мумфарш, 127,9 км роҳҳо аз таъмири ҷорӣ бароварда шуда ва зиёда аз 29,4 км роҳ шағалпӯш шуданд, ки барои анҷоми корҳои таъмиру барқарорсозӣ 6,5 млн. сомонӣ равона гардид.
Бояд гуфт, ки соли равон аз ҳисоби сарчашмаҳои гуногун аз таъмир баровардани 253,2 км роҳҳо ба нақша гирифта шудаанд.