Қуръакашии бозиҳои 1/8 -ниҳоии Ҷоми Тоҷикистон

Душанбе, 16.07.2015. (АМИТ “Ховар”).-Имрӯз дар мақомгоҳи Федератсияи футболи ҷумҳурӣ қуръакашии бозиҳои 1/8-нихоии Ҷоми Тоҷикистон бо ширкати роҳбарони дастаҳои иштирокчӣ  баргузор шуд. Дар натиҷа «Истиқлол» бо «Парвоз», «Хуҷанд» бо «Канд», «Помир» бо «Равшан», «Вахш» бо «Исфара», «Панҷшер» бо КМВА «Помир», «Далерон-Ӯротеппа» бо «Барқи тоҷик», «Чашма» бо «Регар- ТадАЗ» ва «Саройкамар» бо «Хайр» бо ҳам қувва месанҷанд. Танҳо дар ин даври бозиҳо намояндагони дастаҳои Лигаи олӣ «Истиқлол» бо «Парвоз» ва «Далерон-Ӯротеппа» бо «Барқи тоҷик» бо ҳам омаданд. Ёдрас мешавем, ки ғолиби Ҷоми Тоҷикистон соҳиби Ҷому  40 000 сомонӣ ва финалист сазовори 25 000 сомонӣ мешавад.