Вазорати меҳнат қонувайронкуниҳоро ошкор кард

Душанбе, 18.07.2015. (АМИТ «Ховар», Лайло Тоирӣ).-Дар натиҷаи назорату санҷишҳои анҷомёфта 3475 қонунвайронкунӣ ошкор гардид, ки 1491 ҳолат ба масъалаҳои меҳнат, 966 ҳолат ба масъалаҳои бехатарии меҳнат ва риояи стандартҳо, 203 ҳолат ба масъалаҳои муҳоҷират ва 815 ҳолат ба масъалаҳои шуғл иртибот доранд.
Тавре ки аз Вазорати меҳнат,муҳоҷират ва шуғли аҳолӣ иттилоъ доданд, бо мақсади  пешгирию бартарафсозии қонунвайронкунӣ ва ҷуброни ҳаққу ҳуқуқҳои меҳнатӣ ва иҷтимоии шаҳрвандон аз ҷониби мақомоти назоратии вазорат 1108 санҷиш   гузаронида  шуд, ки 872 он санҷиши нақшавӣ мебошад. Аз маҷмўи санҷишҳо 489 санҷиш ба масъалаҳои меҳнат, 340 санҷиш ба масъалаҳои бехатарии меҳнат ва риояи стандартҳо, 69 санҷиш ба масъалаҳои муҳоҷират ва 210 санҷиш ба масъалаҳои шуғли аҳолӣ рост омада, дар маҷмўъ 328 корхонаву муассисаи давлатӣ, 657 корхонаю ташкилоти хусусӣ ва 123 субъекти хоҷагидор шакли дигари моликиятро фаро гирифт.