Вазорати молия: гардиши савдои берунӣ коҳиш ёфтааст

Душанбе, 24.07.2015 (АМИТ «Ховар», Фарзонаи Давлат).- Каримзода Ҷамшед, муовини вазири молияи Тоҷикистон гуфт,  мақомоти андоз нақшаи даромади буҷетро дар шаш моҳи аввали соли равон 102,6 фоиз  таъмин  намуданд. Ба гуфтаи Каримзода, мақомоти андоз дар ин давра ба  буҷет 3,8 млрд. сомонӣ маблағ ворид намудааст, ки  нисбат ба нақша 94,9 млн. сомонӣ ва нисбат ба ҳамин давраи соли гузашта 442,6 млн. сомонӣ зиёд мебошад. 
Ба гуфтаи ӯ аз ҳисоби пардохтҳои гумрукӣ ба буҷет 1,6 млрд. сомонӣ ворид гардид, ки ин 80,8 фоизи нақшаро ташкил дода,  нисбат  ба  нақша 389,0 млн. сомонӣ ва нисбат  ба  ҳамин  давраи соли  гузашта 267,4 млн. сомонӣ кам мебошад, ки сабаби асосии он  коҳиши гардиши савдои берунӣ мебошад.