Вазорати саноат мактаббачаҳоро бо либоси ягона таъмин мекунад

Душанбе, 23.07.2015 (АМИТ «Ховар», Фарзонаи Давлат).-Корхонаҳои истеҳсоли ватанӣ тасмим доранд тамоми мактаббачаҳои кишварро бо либосҳои ягонаи мактабӣ таъмин намоянд. Ин нукта имрӯз, 23-юми июл дар ҷамъбасти фаъолияти нимсолаи Вазорати саноат ва технологияҳои нав зикр гардид.    
Ба гуфтаи вазири саноат ва технологияҳои нави ҷумҳурӣ, дар ин робита моҳи майи соли равон машварати ҷумҳуриявӣ зери шиори «Интихоби ман-маҳсулоти ватанӣ» дар Донишгоҳи технологии Тоҷикистон намоиши либосҳои мактабӣ доир гардид. Ба гуфтаи ӯ ҳамчунин намоиш — фурўши либосҳои мактабӣ дар ноҳияи Данғараи вилояти Хатлон ташкил шудааст.