Ёрии Ширкати ҳавопаймоии «Сомон Эйр» ба тарбиягирандагони мактаб – интернати махсус

Душанбе, 09.07.15. (АМИТ «Ховар»,  Лайло  Тоирӣ). — Ширкати  ҳавопаймоии  «Сомон  Эйр» ба  30 нафар тарбиягирандгони мактаб – интернати махсуси ҷумҳуриявии  дорои тартиби  махсуси кӯдакони  маъюби  ноҳияи  Ҳисор  дасти  ёрӣ  дароз  кард. Теъдоди зикршудаи    кӯдакон ба  шаҳри  Хуҷанд  бурда  шуданд, ки дар он  ҷо  дар беморхонаи ҷумҳуриявии ба номи А.Норматов  муддати  20  рӯз  муолиҷа  мешаванд. 
Тавре  ки аз  маркази  матбуоти Ширкати  ҳавопаймоии  «Сомон Эйр» хабар  доданд, ширкати  мазкур  ҳар  сол кӯдакони  маъюби  мактаб – интернатро барои  муолиҷа ду  маротиба ба  таври  маҷҷонӣ  ба  Хуҷанд  мебарад.
Ёдовар  мешавем, ки  ҳоло дар  мактаб – интернати  зикршуда  беш  аз 300 нафар кӯдакони мубталои  бемории полиомиелит  таҳсил  мекунанд.