Зиёда аз 70 тонна маҳсулоти гӯштӣ ғайристандартӣ дониста шуд

Душанбе, 10.07.2015. (АМИТ «Ховар», Раъно Нусратуллозода).- Дар шаш моҳи соли ҷорӣ Агентии «Тоҷикстандарт» 70,5 тонна маҳсулоти гӯштӣ, 3,4 тонна равғани растанӣ, 17,3 тонна маҳсулоти макаронӣ, 84,9 тонна маҳсулоти қаннодӣ, 42,4 тонна меваю сабзавот ва даҳҳо тонна маҳсулоти дигари истеҳсоли ватанию воридотиро ғайристандартӣ донист ва онҳо тибқи тартиби муқарраргардида аз нав коркард ва ё нобуд карда шуданд. 
Ин матлабро имрӯз зимни нишасти матбуотӣ директори Агентии «Тоҷикстандарт» Ибодулло Қурбониён ба хабарнигорон манзур кард.