Ҳамлаи террористӣ дар Миср: 2 нафар ҳалок ва 27 кас захмӣ гардиданд

Душанбе, 25.08.2015. (АМИТ «Ховар»). —   24 август ҳамлаи террористии навбатӣ,  дар ҳудуди Миср ба амал омад. Дар натиҷаи таркиши навбатӣ дар як автобус , ки  кормандони полиси Миср  қарор доштанд, ду нафар ҳалок  ва 27 каси дигар захм бардоштанд. Дар ин бора  нашрияи мисрии Ahram Online хабар медиҳад.

Таркиш дар резишгоҳи  Нил дар вилояти Бахейр, 260 километрии   шимоли Қоҳира ба амал омад, ки он вақт  кормандони пулис, бо автобус ба кор мерафтанд. То ҳол   масъулияти ин ҳамларо ягон гурӯҳи терористӣ  ба ӯҳда нагирифтааст, аммо мақомоти Миср бар он боваранд, ки  ин кори дасти исломгароёни ба ном Давлати Исломӣ аст.
Тавре ба назар мерасад, Миср солҳои охир ҳарчӣ бештар ҳадафи террористон ба ном «Давлати Исломӣ» қарор мегирад.