Ҷамъоварии ҳосили ғалладона

Душанбе, 05.08.2015. (АМИТ «Ховар», Ситораи Боймурод).- Тибқи иттилои Вазорати кишоварзии кишвар, имрўзҳо дар хоҷагиҳои деҳқонии  ҷумҳурӣ ҷамъоварии ҳосили ғалладона муташаккилона идома дарад. 
Ба иттилои манбаъ,  соли ҷорӣ дар ҷумҳурӣ дар майдони 324194 гектар кишти зироатҳои ғалладона гузаронида шудааст, ки то санаи 31.07.2015 майдони 247958 гектари он даравида шудааст. Ҳосили 240855 гектари он кӯфта шудааст, ки нисбат ба ҳамин давраи соли гузашта 19847 гектар зиёд аст. Ҳосили умумии ғалладона микори 680578 тонна буда  нисбати ҳамин давраи соли гузашта 47300,5 тонна зиёд мебошад ва ҳосилнокӣ аз ҳар гектар 28,3 сентнериро ташкил медиҳад.
Гуфта мешавад, ки миқдори комбайнҳои ғалладарав дар мавсими ҷамъоварии ҳосили ғалладона 989 ададро ташкил медиҳанд, ки дар айни замон 263 адади он мавриди истифодабарӣ қарор доранд.